FORUM TAU MATAN

PRESS RELEASE

Data: 3 Outubro 2005

FORUM TAU MATAN la simu osan hosi Governo Australia hanesan nebe Alexander Downer, Ministro dos Negosios Estrangeiro Australia publika iha PRESS RELEASE no. AA 04 089, Sesta 10 Desembro 2004 ho Titlo: Protecting and promoting human rights in Asia and the Pacific.

Liu hosi opportunidade ida ne'e FORUM TAU MATAN hakarak klarifika lolos katak:

Iha Agusto 2004 AusAID konvida NGO lubun ida ba partisipa iha enkontro ida iha AusAID hodi esplika kona ba prosesu kompetisaun ba tender Human Rights Small Grant Scheme.

NGO lubun ida mak hatama aplikasaun no iha primeiro seleisaun, NGO tolu mak liu seleisaun, iha seleisaun segundo, NGO rua mak liu seleisaun no iha seleisaun ba dala ikus, FORUM TAU MATAN mak hetan.

Iha 10 Desembro 2004 loron Direitus Umanus nian, Governo Australia liu hosi Ministro dos Negosios Estrangeiro Autralia, Alexander Downer publika iha media katak FORUM TAU MATAN Timor-Leste hamutuk ho NGO 10 (sanulu) iha Asia no Asia Pacifika sei hetan fundus A$600.000 hosi AusAID's Human Rights Small Grants Scheme.

Iha 15 Desembro 2004, AusAID iha Timor-Leste haruka karta notifikasaun fo parabems no deklara katak FORUM TAU MATAN sucessu ona no sei simu fundus A$65.830.00 ba Projeto projeto Monitoring Direitus Umanus, Diseminasaun Informasaun no Edukasaun Direitus Umanus Ligadu ho Desenvolve Sistema Judiciario iha Timor-Leste.

Iha 25 Janeiro 2005, parte rua AusAID no FORUM TAU MATAN enkontro hodi asina kontratu. Iha opportunidade ne'e koalia mos kona ba serviso hamutuk ba supporta ba sistema judisiario iha Timor-Leste.

Iha loron ida ne'e mos pane rua konkorda kona ba data entrega Check osan nebe permete ona. Parte rua konkorda hamutuk ba dia 7 Marco 2005. Maibe liu tiha ne'e AusAID haruka mensagem liu hosi karta elektronika(email) husu atu adia data entrega check nian ba loron seluk ho razaun katak Ambassador sei ba tuir enkontro negosiasaun kona ba Tasi Timor iha Darwin-Australia.

Liu tiha ne'e, parte rua konkorda atu halo ceremonia entrega check iha dia 10 Marco 2005, maibe AusAID haruka fali karta elektronika husu adia tan data entrega check. Parte rua konkorda fali data entrega check ba fulan Junio 2005.

Iha dia 7 Junio 2005, AusAID konvida membros FTM ba enkontro. Iha enkontro ne'e, AusAID fo karta ida nebe deklara katak Australia labele supporta no deklara katak sira muda maneira supporta ba NGO iha sektores hotu no decide labele supporta FORUM TAU MATAN.

Iha dia 8 Junio 2005, FORUM TAU MATAN haruka karta ba Ambassador husu nia atu fo klarifikasaun. Iha fulan Julio 2005, FORUM TAU MATAN hasoru Ambassador no hetan klarifikasaun katak: "Protesta nebe NGO sira halo hasoru governo Australia fo impaktu boot ba posisaun Australia iha negosiasaun kona ba Tasi Timor no desisaun governo Australia man hodi la fo supporta ba FORUM TAU MATAN nee tanba membro FORUM TAU MA TAN ida hola parte iha protesta ne'e, nia tau nia naran no asina deklarasaun ne'e hamutuk ho NGO seluk".

Dokumentu publiku

Informasaun liu tan kontaktu:

Sekretariadu FORUM TAU MATAN

Rua Fatu Meta, Zona Dom Aleixo, Dili

Timor-Leste

e-mail: ftm@yahoo.com  / Hp. 728 0922.