La’o Hamutuk

Bulletin  |  Surat Popular  |  Topic index  |  Reports & Announcements  |  Updates
Reference  |   Presentations  |  Mission Statement  |  LH Blog  |  Search  |  Home

Parseria Públiku-Privadu
Atu harii projetu infrastrutura grandiozu

Liga ba informasaun atual no kompletu liu kona-ba Portu Tibar

24 Marsu 2013.  Atualiza 15 Junu 2016

Link to this page in English.

Durante 6-7 Marsu 2013, Korporasaun Finansa Internasionál (IFC, parte hosi Grupu Banku Mundiál), Ministériu Transporte no Komunikasaun ho Ministériu Finansa organiza Konferénsia Investimentu Parseria Públiku-Privada (PPP) ba kompañia sira ne’ebé interese ba konstrusaun Portu Tibar ka haluan Aeroportu Dili. Maizumenus ema na’in 150 mak partisipa, sira reprezenta kontraktor konstrusaun no investidór sira hosi mundu tomak. Maske eventu ne’e taka ba media no sosiedade sivíl, maibé governu no IFC realiza briefing ida ba ONG sira ne’ebé interese ba PPP hafoin konferénsia hodi fahe aprezentasaun ne’ebé sira fó ba investor sira. Governu fó lisensa ba La’o Hamutuk atu fahe aprezentasaun kona ba Portu no Aeroportu (Tetum, 2 MB ba kada aprezentasaun) ne’ebé sira fó ba parseiru konvidadu sira.

Molok konferénsia, IFC kontratu kompañia rua hosi Australia hodi halo avaliasaun ba impaktu sosiál no ambientál ba projetu ne’ebé proposta. WorleyParsons, kompañia enjeheiru ida ne’ebé fó suporta lojistiku ba plataforma Bayu Undan no prepara tiha ona Avaliasaun Impaktu Ambientál (EIA) ba projetu Tasi Mane, mak halo avaliasaun ba Aeroportu Dili, no EcoStrategic mak avalia hela Portu Tibar hosi . Aleinde halo estudu sosiál no ekonomia, IFC kontratu Hamburg Port Consultants no Ambidji Group nudár assessor tékniku hodi halo estudu planu tékniku no negósiu ne’ebé iha relasaun ba dezenvolvimentu kada projetu.

Hafoin IFC halo avaliasaun ba aspetu legal, tékniku, ambientál, sosiál, finansa no merkadu ba kada projetu, IFC sei aprezenta “Relatóriu Estrutura Tranzasaun” rua ba governu, ne’ebé sira espera sei halo iha Abríl 2013 ba Portu no Maiu ba Aeroportu. Hafoin tenderizasaun iha fulan ikus 2013 no negosiasaun kontratu no dezeñu durante 2014, konstrusaun ba projetu rua ne’e sei hahú iha Janeiru 2015.

Desizaun hotu-hotu, inklui desizaun ba aspetu sira hanesan dezeñu, espesifikasaun, oráriu, preferénsia kontraktor, finansial no se mak responsavel ba risku no halo lukru sei deside hosi governu Timor Leste. IFC nia knar mak fasilita envolvimentu kompañia setór privadu sira ba iha projetu hirak ne’e. Maske IFC ezije katak projetu rua ne’e tenke tuir standar internasionál ba asuntu hotu. Maibé karik Governu la tuir, IFC iha opsaun de’it atu sai husi projetu. Iha kazu hanesan ne’e, Governu iha obrigasaun atu selu fila fali kustu balu ba IFC. Ami espera katak Timor-Leste labele repete fila fali esperiénsia projetu Oleo Pezadu, bainhira Governu Timor Leste kansela envolvimentu hosi Banku Dezenvolvimentu Ázia (ADB) hosi no kontinua halo sala barak ne’ebé karun.

Parseria Públiku-Privada (PPP) nudár terminolojia la espesífiku ne’ebé bele inklui tipu balun hosi parseria entre governu-kompañia liu hosi BOT (Harii/Built-Opera/Operate-Transfere/Transfer, ne’ebé governu fasilita rai maibé kompañia investe sira nia osan, hala’o projetu no foti lukru ka labele foti lukru durante tinan balu nia laran molok entrega ba governu) ka kontratu direta (governu selu buat hotu, kompañia mak dezeña no harii projetu, no governu mak sai operadòr). Termus detalla no oinsá fahe lukru no risku seidauk halo. IFC ajuda ona Governu hodi dezenvolve ideia hirak ne’e dezde 2004. IFC mantain publika iha blog kona ba sira nia projetu rua iha Timor-Leste, no publika ona nia Padraun Dezempenu 1 ba Avaliasaun Risku Ambiental no SosialIFC has been helping the Government develop these ideas since 2004.

Dekretu-Lei no 42/2012 (Portugés), vigora ona iha loron 7 Setembru 2012, estabelese ona enkuadramentu legal ba PPP nian. Iha loron 5 Novembru 2013, Konsellu Ministru halo ona revizaun ba lei refere.

Projetu rua ne’e mai hosi Planu Estratéjiku Dezenvolvimentu Nasionál ne’ebé antisipa tráfiku iha futuru ne’ebé optimistiku teb-tebes. IFC, sira nia sub-kontraktor no Ministériu Transporte la’o kedas atu implementa projetu rua ne’e, maibé ami espera katak iha ema ruma bele hanoin karik projetu sira ne’e bele serbí interese povu Timor Leste ka lae. Sira kria duni susar ba komunidade ne’ebé hela iha area projetu, maibé mós bele envolve sidadaun hotu, nudár na’in ba Timor-Leste nia riku soin petróleu, atu selu sira nia kustu, inklui lakon lukru bainhira tráfiku ne’e muda la tuir ba saida mak Governu no IFC imajina. IFC proposta projetu rua ne’e tuir faze, liga ba espansaun infrastrutura no investimentu nian ho ejijénsia, nudár dalan ida atu redús risku bainhira tráfiku aumenta neineik liu kompara ho ida ne’ebé ita espeta.

Durante projetu sira ne’e la’o hela, Ministériu Finansa rekruta assessor ne’ebé hela iha rai li’ur ba PPP no ofisiál hosi Timor-Leste ba projetu infrastrutura. Aplikasaun taka iha 22 no 26 Marsu 2013.

Portu Tibar: Informasaun foun liu iha ne'e

 

 

Alokasaun orsamentál ba projetu sira ne’e
(tokon dolar EUA)

 gasta ona 2012

2013

2014 20152016 2017 depois 2017

Hosi Fundu Infrastrutura iha Orsamentu Estadu 2013

Aeroportu Dili 0.03.015.020.020.020.0tan
Portu Tibar0.73.815.025.030.050.0tan

Husi Fundu Infrastrutura iha Orsamentu Estadu 2014 final

Aeroportu Dili (RDTL)005.653.668.930.6100.0+
Aeroportu Dili (emprestimu)   15.025.040.014.0+
Tokon $2.5 tan aloka iha tinan 2015
atu hadiak aeropista Aeroportu Dili .
Portu Tibar0.71.53.520.4109.59.9tan

 

Hili iha kualkér gráfiku iha pájina ida ne'e atu haree boot liu.

Aeroportu Dili

Iha Jullu 2012, IFC aprova ona projetu tokon $1.5 ba tinan rua hodi suporta Timor-Leste nia dezenvolvimentu ba Aeroportu Dili ho modelu PPP. IFC nia servisu asesoria sei inklui ba atividades pre-investimentu hotu

Iha Marsu 2013, governu lansa sumariu grafika atuál Aeroportu Dili.

Hanesan gráfiku sira hatudu, IFC espeta númeru pasajeiru ne’ebé halo viajen ba mai liu hosi Aeroportu Dili hadalas dala lima durante tinan 20 oin mai. Iha tinan 2036, sira antisipa liu Timor oan 300,000 halo viajen ho aviaun kada tinan -- maizumenus ema ida hosi ema Timor na’in ualu halo viajen ba mai kada tinan. Klaru katak, viajen ho aviaun nudár meius transportasaun ne’ebé ami nia populasaun sira ne’ebé riku liu uza, no ami espera katak la’ós tanba ho sira nia viajen ne’e mak halo finansiamentu públiku ba saúde, edukasaun no infrastrutura rural kontinua ki’ik. IFC lakohi fahe sira nia estimasaun kona-ba kustu ho sosiedade sivíl.

Maske governante sira mehi katak Timor Leste bele sai sentru rejional ida ba tránzitu aviaun, hodi semo ba mai hosi Qatar no ba fatin sira seluk ne’ebé dook, proposta ne’e antisipa semo másimu ho 3,900 kilómetru (2,100 millas nautikal) – bele ba Hong-Kong, Melbourne ka Bangkok.

IFC proposta atu harii aeroportu iha faze rua: imediatamente hanaruk aeropista atuál hosi 1,800m ba 2,050m, no hanaruk liu tan to’o 2,500m iha tinan 20 oin mai. Detallu liu iha sira nia sumáriu no Tetum aprezentasaun ba konferénsia investidór.

Se ita iha Google Earth iha ita nia komputador, kliik iha ne'e no loke arkivu atu hare faze rua husi opsaun rua iha foto ka mapa Google Earth nian.

IFC aprezenta ona nia relatóriu ezbosu ba governu iha inísiu fulan Maiu 2013, provoka artikulu iha Timor Post hanesan mós iha editorial loron 9 fulan Maiu. Hanehan gráfiku iha liman loos atu bele lee. Ami komprende katak governu hetan ona sujestaun ba mudansa balu maibé seidauk hatudu buat ne’ebé konkretu.

Maske tempu liu ona no la iha informasaun adisionál husi proponente projetu sira, komunidade sira preokupa tebes. Iha loron 23 fulan Maiu Jornal Ajensia Katolika Asian UCA News relata katak liu rihun sanulu sei hasoru realokasaun. Iha tempu hanesan Timor Post nia notisia hatete katak Familia 1,114 Paniku sei haluan aeroportu.

Partisipa iha diskusaun balu no revizaun ba mudansa dezeña projetu Aeroportu, Ministeriu no IFC konkorda no iha loron 9 Jullu Ministru Transporte no Komunikasaun aprezenta sira nia proposta ba Konsellu Ministru atu haree “konstrusaun ida tuir faze no nesesidade sira, ho kapasidade atuhodi simu aviaun-boot sira ne’ebé tula ema barak no hatán ba ezijénsia kreximentu país nian iha nivel nasionál no internasionál” desizaun ne’e presiza estudu tan karik aeropista ne’ebe iha diak natoon atu uza ba Avião boot, no relatoriu ne’ebe halo ona revizaun espera sei aprezenta ba Konsellu Ministru iha Marsu 2014.

Orsamentu Jeral Estadu 2014 aprova ona iha Fevreiru 2014, orsamentu ne’e inklui tokon $5.6 ba dezena no supervizaun dezenvolvimentu Aeroportu Dili durante 2014. No tokon $253 seluk ba tinan 2015-2018 (haree iha leten). Sei iha gastu boot iha tinan 2018, ami espekta katak sei boot liu tan depois de ida ne’e. Iha projeksaun gastu orsamentu sei aumenta tokon $94 iha imprestimus ba Aeroportu durante 2015-2018. Parte seluk husi osan atu hadiak Aeroportu inklui mos orsamentu tokon $2.5 durante 2015 ba reahabilitasaun aeropista.

IFC aprezenta ona sira nia relatóriu ba Konsellu Ministru no deskreve opsaun balu kona ba oinsa governu bele envolve hamutuk ho parseria privadu atu harii no ka opera Aeroportu Dili. Maske nune’e, Governu diskute opsaun seluk, servisu direta ho governu Malázia duke ho parseria privadu.

IFC nia prediksaun tráfiku ba Aeroporto Dili


Atu aumenta aeroportu sei hahú iha faze rua. Konstrusaun sei hahú iha 2015 ba faze primeiru, inklui haluan aeropista no hanaruk iha diresaun leste no oeste. Ida ne’e bele izola ema na’in 700 ne’ebé hela iha Aldeia Beto Tasi ho ema sira iha fatin seluk, no opsaun ida seluk ne’ebé konsidera hela mak sei hakat liu Mota Komoro to’o Bebonuk. Atu responde preokupasaun komunidade sira ne’ebé hela iha Beto, IFC no Governu konsidera dalan atu mantén asesu komunidade nian, hanesan atu halo ponte, halo estada foun, ka halo tunel iha aeropista nia okos.

IFC hatete katak faze segundu, atu hanaruk aeropista to’o Bebonuk klaran, karik sei implementa iha dékada tuir mai, bainhira tráfiku aeroportu nian justifika ida ne’e.

 

The Timor-Leste Institute for Development Monitoring and Analysis (La’o Hamutuk)
Institutu Timor-Leste ba Analiza no Monitor ba Dezenvolvimentu
Rua D. Alberto Ricardo, Bebora, Dili, Timor-Leste
P.O. Box 340, Dili, Timor-Leste
Tel: +670-3321040 or +670-77234330
email: 
info@laohamutuk.org    Web: http://www.laohamutuk.org    Blog: laohamutuk.blogspot.com