HomeTestu LegalPagina Faktu SiraMapa SiraMědiaKomunidadeFatin Seluk Relevante
 

 

Iha laran tempu dalan ba Timor-Leste nia restaurasaun independensia iha 20 Maio 2002, Gabinete Tasi Timor, nudar parte-ida Nasauns Unidas nia Administrasaun Transitoriu Timor-Leste (UNTAET), halo negosiu Tratado Tasi Timor. Akordu ho Australia nee mak harii area fahe rendimentu petroleum/mina provizoriu iha Tasi Timor.

Hori tempu nee, Gabinete Tasi Timor servisu atu hola ratifikasaun Tratado Tasi Timor tuir husi Parlamentu Timor-Leste (nebe hetan iha Dezembru 2002) no halo negosiu Akordu Unitizasaun Internasional no Memorandu Komprensaun ba kampu gas Greater Sunrise hamutuk ho Australia (asina tiha iha Marsu 2003).

Iha aspektu komersiu, Gabinete Tasi Timor halo hotu, negosiu kontratu fahe produsaun no planu aprovasaun desenvolvimentu ba faze gas desenvolvimentu Bayu-Undan ninian (iha laran area Tratado Tasi Timor) hamutuk ho kompanhia petroleum/mina ConocoPhilips, no servisu atu hetan aprova lejislasaun taxa desenvolvimentu Bayu-Undan nian hori tuir Parlamentu Timor-Leste (hotu iha Junhu 2003).

Gabinete Tasi Timor halo no hala'o (prepara no implementa) Governu Timor-Leste nia kampanha informasaun publiku kona ba Tasi Timor. Propozito kampanha nee mak atu fo-hatene hamutuk-rua-hotu povu Timor-Leste no sira iha liur nebe interese ba lia's kona ba Tasi Timor no rekursus hirak mina no gas nebe rai iha nia okos.

Agora daudaun, papiel primariu Gabinete Tasi Timor mak estabelesementu fronteira maritime permanente hamutuk ho Australia no Indonezia.

Istoria Badak kona ba Tasi Timor
Liutiha Indonezia nia invasaun la halo tuir lei tama Timor-Leste iha tinan 1975 no Australia nia rekonhesementu de jure ba soberania Indonezia nian iha Timor-Leste tinan 1979, Indonezia no Australia buka tuir atu konkorde ba fronteira tasi permanente iha Tasi Timor nebe bele resolve problema "Timor Gap" ("Ku'ak Timor).

Ku'ak nee ("Gap" nee) mak husik cira husi akordu fronteira tasi kidun entre Australia no Indonezia, no mos mak legadu liu husi faktu katak Australia no Portugal - nebe kaer ukun colonialista momentu nee - labele hetan konkordansia ba fronteira tasi entre Timor Portugal no Australia. Liuliu tan, Portugal-sira nunke rekonhese validade Pontus ikusikus husi akordu Indonezia-Australia tinan 1972. Hare ba Mapa.

Iha nia relasaun ho Indonezia, Australia buka atu halo taka Ku'ak nee tuir dalan liga hamutuk pontu ikus rua husi akordu 1972 ninian. Maibe, Indonezia, lakohi konkorde atu tuir ba fronteira tasi ba Timor-Leste nebe bazeia ba rekonhesementu tuir Australia nia argumentu "plataleira continental", hanesan tuir akordu 1972 uluk.

Ikus liu hotu, Australia no Indonezia hetan tiha, solusaun halo akordu provizoriu atu desenvolve hamutuk rekursus mina-rai Tasi Timor ninian, iha absensia fronteira permanente. Iha tinan 1989, Indonezia no Australia asina hotu Tratado "Timor Gap" (Tratado Ku'ak Timor), rendimentus petroleais iha Zona A mak fahe 50-50 entre indoenzia no Australia, rendimentus iha Zona B mak fahe 90-10 favorese liu ba Australia no rendimentus iha Zona C mak fahe 90-10 favorese lie ba Indonezia. Hare ba Mapa.

Iha tinan 1999, povu Timor-Leste barakliuhotu hili independensia husi Indonezia. Halo hanesan nee, sira simu lia seidauk resolve kona ba nain-ulun rekursus Tasi Timor. Iha tinan 2000, Nasuans Unidas nia Administrasaun Transitoriu iha Timor Leste (UNTAET), hamutuk ho Administrasaun Transitoriu Timor-Leste (ETTA), deklara Tratado Australia-Indonezia 1989 "Timor Gap" nudar ilegal. Deklarasaun ida nee mak halo ho bazeia katak Indonezia, okupante ilegal iha Timor-Leste, laiha autoridade atubele halo akordus iha naran povu Timor-Leste.

Tempu hanesan, UNTAET no lideransas Timor-Leste buka atu konkorde ba fronteira tasi permanente hamutuk ho Australia. Tanba Australia hato'o katak nia lakohi halo tuir hanesan nee, sorin rua hotu ikus liu, konkorde atu kria area fahe rendimentu foun iha Rasi Timor. Halo tuir interese espediensia no mos atubele evita vacuu legal nebe efeita investadores iha Tasi Timor, UNTAE no lideransas Timor-Leste konkorde atu halo tuir tratado foun haleu area ekuivalente ba Zona A iha Tratado ilegal "Timor Gap". Loron 20 Maio, 2002, loron restaurasaun independensia Timor-Leste, Timor-Leste no Australia hamutuk asina Tratado Tasi Timor, nebe hafo ba fahe rendimentu 90-10 favoreseliu ba Timor-Leste.

Maski laho fronteira tasi permanente, problema "Timor Gap" (Ku'ak Timor) moris hela. Tanba razaun ida nee katak konkordansia fronteira tasi permanente ho Australia, no mos hamutuk ho Indoneiza, mak prioridade urjente Governu Timor-Leste ninian
Istoria Tasi Timor mak sujeita artigus journais no publikasaun seluk tan dalabarak.Wonhoso no Destinia Timor Portugal' husi Robert J. King no 'Alokasaun Spasial Direitu Plataleira Kontinental iha Tasi Timor: Reflesaun kona Delimitasaun maritimu no desenvolimentu Konjuntu/Hamutuk, husi Nuno Sergio Marques Antunes, mak akonta rua nebe mak liuliu hateke hetan laran realidade.


Gabinete Tasi Timor - Who we are

Manuel de Lemos
Assistant Coordinator and Financial Manager

Paul Cleary
Communications Director

Manuel Mendonca
Assistant Communications Officer

Shane Matthews
Finance and Administration Manager

Marcos dos Santos
Accounts and Administration Officer

Rosita Noronha
Office Assistant

Espertus Internasionais

Peter W. Galbraith - negosiante prinsipal

Uluk Embaixador US nian ba Croatia no negosiante paz iha Balkans, senhor Galbraith mos uluk Diretor ba Lias Politiku, Konstitusional no Eleitoral ho UNTAET no Membru Gabinete ba Lias Politiku no Tasi Timor iha laran Governu Tranzitoriu uluklai Timor-Leste nian. Senhor Galbraith mak lider negosiasaun pozitivu ba Tratado Tasi Timor.

Nuno Antunes - konselhero lei maritimu

Komandante no espesialista navegasaun ida iha Marinha Portugal, senhor Antunes mak iha PhD kona Lei Internasional ho teze kona ba delimitasaun fronteira maritime. Nia mak mebru Asosiasaun Lei Internasional nia ' Komite kona ba Plataleira Kontinental iha Liur nia Lias Legal'. Nia mos halo publikasaun barak kona ba delimitasaun fronteira maritime, inklui artigu jornal rekomendavel kona ba Tasi Timor nebe disponivel iha fatin internet iha nee.

Contacts

Paul Cleary
Communications Director
mail@timorseaoffice.gov.tp

For questions or comments on the TSO website,
please contact webmaster@eventuation.com

 

 

© 2003-2004, eventuation. Direitus hotu hotu rezervadu.