La’o Hamutuk

Bulletin  |  Surat Popular  |  Topic index  |  Reports & Announcements  |  Updates
Reference  |   Presentations  |  Mission Statement  |  LH Blog  |  Search  |  Home

Prosesu Foti Dadus husi Ita Nia Rai

4 Junhu 2009

 Link to this page in English.

Iha 28 Jullu 2008, iha lansamentu ba kadástru nasionál no programa pilotú hahú iha fulan Novembru iha Manatuto no Liquiça. Ema hotu, mós ema malae, bele halo deklarasaun ba rai iha area projetu, inklui rai Estadu-nian. Grupu, individual, organizasaun ka Estadu bele halo deklarasaun. Ema bele foti dokumentu-sira hanesan titúlu tuan hanesan evidensia. Karik la iha dokumentu-sira bele husu ema atu fó testemuña, no projetu halo gravasaun ba ne’e. Sei hasai foto ba ema ne’ebé halo deklarasaun no mós halo gravasaun ba sira nia informasaun hodi hatama iha baze ba dadus (database) deklarantes. Reprezentante ida mós bele rejista deklarasaun ba ema seluk (por ejemplu se sira hela iha rai liur). Ema nain 8 bele tama sira nia naran ba deklara grupu. Se wainhira liu tan husi ualu sira sei foti naran ba reprezentante de’it. Husi parte informasaun públiku sei fahe infromasaun iha enkontru públiku sira no enkontru feto sira-nian. Voluntáriu (kolektor dadus) sira sei ba uma ida-ida atu foti dadus, no fo avisu ba loron 1 (minimu) molok sira nia planu atu ba foti dadus.

Se iha deklarante rua ba parseila ka rai-ketan (baliza), Ita Nia Rai halo nota kona-ba disputa no prosesu mediasaun bele hahú – (maib’e la iha prosesu mediasaun kona ba rai Estadu). Iha disputa, ema bele deside atu tuir prosesu mediasaun. Molok hahú ne’e sira iha semana 2 atu rezolve sira nia disputa rasik (iha disputa barak mai husi familia laran). Disputante sira bele deside no hili mediadór husi DNTPSC, Xefe Suco ka ONG. Sira bele asesu ba mediasaun dala 3, ho maximum ba loron ida ba kada mediasaun. Karik sira la bele rezolve disputa, disputa rejista iha baze ba dadus informasaun deklarante.  Iha Manatuto iha disputa balun ne’ebé involve ema hela iha Indonesia seidauk rezolve tanba ema la bele tuir prosesu ne’e. Informalmente, ami rona katak iha problema ho skill husi mediadór-sira, liuliu husi ONG.

Númeru deklarasaun

20 Fevereiru

199 Liquiça

449 Manatuto

25 Marsu

199 Liquiça

504 Manatuto

17 Abril

392 Liquiça

538 Manatuto

12 Maiu

454 Liquiça

631 Manatuto

Hafoin program lori deklarasaun ba area projetu, projetu sei publika mapa iha area lokál, no mós iha edifisiu lokál DNTPSC, edifisiu DNTPSC iha Dili no iha internet. Despacho 1 Jullu 2008 halo lansamentu ba kadástru rai dehan katak tenke fahe mapa ba deklarasaun ba públiku iha minimu loron 30. Iha semana uluk fulan Juniu 2009 Ita Nia Rai publika mapa sira iha Manatuto no Liquiça, mós iha edifisiu DNTPSC iha Dili. Ema iha semana 6 husi data publikasaun atu protesta deklarasaun ne’ebé iha tiha ona ka halo deklarasaun foun. Hafoin prosesu deklarasaun hotu, ema bele troka naran ba deklarante-nian, aumenta rai-ketan ka fó ka hasae ema husi deklarasaun, maibé la bele halo reklamasaun foun.
 

The Timor-Leste Institute for Development Monitoring and Analysis (La’o Hamutuk)
Institutu Timor-Leste ba Analiza no Monitor ba Dezenvolvimentu
Rua dos Martires da Patria, Bebora, Dili, Timor-Leste
P.O. Box 340, Dili, Timor-Leste
Tel: +670-3321040 or +670-77234330
email: 
info@laohamutuk.org    Web: http://www.laohamutuk.org    Blog: laohamutuk.blogspot.com